WILLEMSTAD.- Durante di un rueda di prensa Star Academy a hasi presentashon di Strea Chikí i CuraStars Voice 2017-2018.
Despues di 3 aña hopi eksitoso, Strea Chikí Kiddi tei e aña aki bek pa nos mucha- i hóbennan. Den e edishon aki Strea Chikí Kiddi ta pa tur talento; muchanan di 8 te ku 14 aña por inskribí i mustra Kòrsou nan talento, sea ta kanto, baile, aktuashon, músika òf kualkier otro talento. Strea Chikí a start ku e parti di inskripshon. Inskripshon lo sera fin di febrüari 2018. Den luna di mart lo tuma lugá e oudishonnan di Strea Chikí Kiddi.
E aña aki Star Academy ta lansa su CuraStars Voice pa tur persona di 15 aña bai ariba. Esaki ta solamente pa kanto so. E ta un konsepto nobo ku Star Academy ta bini kuné ku huradonan nobo.
CuraStars Voice su inskripshon tambe a kuminsá i lo finalisá febrüari 2018.
Inskripshonnan ta grátis pa tur mucha ku ke partisipá i por inskribí na e mayoria skolnan básiko, Zero Gravity na Sambil, Biblioteka òf Xerox Docucentro. Tambe por inskribí riba e página di Strea Chikí riba Facebook òf CuraStars Voice.
Strea Chikí a introdusí su Vip Kiddi, kua ta un karchi di deskuento eksklusivamente pa muchanan te ku 14 aña di edat. Na rason di 5 florin bo tambe por haña e karchi aki na Multipost. Lo por usa e karchi aki pa haña deskuento na diferente establesimentu, i tambe na kompra di entrada pa e shownan di Strea Chikí Kiddi.
Dia 9 di desèmber di 5’or pa 9’or di anochi na Sambil lo bai tin inskripshon pa StreaChiki Kiddi i CuraStars Voice i alabes “1 Minute of Fame”.
Pa mas informashon por tuma kontakto ku Facebook page di StreaChiki Kiddi òf CuraStars Voice. Pa mas informashon por tuma kontakto ku Arthur Tholel na 526-7878.