FORT PIERCE.- Kòrsou bo por ta sumamente orguyoso di nos studiante/atletanan na Merka nan ta sigui saka kara di nos pais pero tambe ta laga mira ku kada oportunidat ku nan haña nan ta hasi bon uso di dje.

Gavrilo Blijden un biaha mas ta sa di skor haltu na e kompetensia di National Junior College Athletic Association. Gavrilo ta den su ultimo ana na Junior College i ta sa di logra medaya di oro riba springplank di 3 meter i ta kue medaya di bròns riba springplank di 1 meter.

Gavrilo ta spesialisá riba estilo di  Back tow and a half i ela skor perfecto riba esaki. Despues di e kompetensia aki Gavrilo ta sigura su Scholarship na Univesity of East Carolina. Esaki ta bira un studiante mas di Korsou ku ta sa di hasi bon uso di e oportunidat di studia den region.

E ta no solamente logra di kaba Junior College pero ku un status di all American ku ta nifika un top studiante akademikamente i komo atleta. Esaki ta di dos ana ku Gavrilo ta logra esaki.

Aworaki Gavrilo a bisa  ku e ta bai disfruta di un springbreak pa kaba di gradua i kuminsa prepara pa bai termina su bachelor na East Carolina. Gavrilo a hasi su major den Biology i minor den Physical Education/ Therapy. Nos ta felisita Gavrilo i desee tur kos bon pa futuro.