WILLEMSTAD.- Djasabra anochi Curaçao Lions Club a organisá un subasta durante di e di dos edishon di ‘Art X’ ku e meta pa rekoudá fondo pa ‘Ronald McDonald House of Charities’. Diferente artista lokal a partisipá ku nan piesanan di arte na e subasta.
Curaçao Lions Club a disidí di ekstendé su aporte na RMHC i tabata orguyoso di anunsiá ku ta hasi un kontribushon na e pashèntnan di onkologia pediátriko. E pashèntnan aki mayoria di biaha mester biaha pa eksterior, loke ta nifiká ku nan ta bai permanesé den un ambiente no familiar turesten ku nan ta risibiendo un tratamentu severo. Riba foto algun imágen durante dje subasta ku a tuma lugá na Lanthùis Klein Kwartier.