WILLEMSTAD.- Djadumingu atardi, 22 di aprel 2018, ta e fecha ku Super Orkesta Karimbo a skohé pa organisá un Gala di Bolero, úniko den su estilo. Esaki ta bai tuma lugá den e sala multifunshonal di PWFC, di 4’or di atardi pa 9’or di anochi.
Tur kos ta kuminsá 15.30’or ku DJ. Wendell Martis di ‘Café con Son’. Wendell Martis di ‘Café con Son’ no tin mester di ningun introdukshon. Konosedónan di kos bon sa di kiko nos ta papiando.
Super Orkesta Karimbo komo anfitrion, ku den su front Wini Poulo, Oswin Brunken, Son i Magou ta sigui pa habri e atardi baliabel atardi ofishalmente.
Komo e chèri riba e bolo Super Orkesta Karimbo a invitá diestres (13) super kantante di Bolero komo artista invitá den nan sekshon di showtime baliabel. Hinter e atardi ta baliabel.
Showtime baliabel ku artista/kantantenan : Anthony Pieter, Carlos Salsbach, Wilbert Petronella, Max Henriquez, Ompie Stefania, Jacinto Zimmerman, Michael Boncouer, Aisly Rooi, Ana- Iria Nivillac, Sonny Real, Kenneth Hooi, Dennis Cicilia i la gran dama Doña Mafalda Minguel.
Karchi entrada lo ta optenibel for di djaluna 5 di mart serka: Poppy Poulo-Pinedo na telefòn 560-5173; Achi Concencion 524-2233; LapalaPapito 560-3325; China Laundry Pega ku Tapa Tapa Grill na Winston Churchillweg 107 - 888-3880, serka Wendell Martis ‘Café con Son’ 687-7635 i Hugo Zimmerman na telefòn 510-4171.
Pronto tambe na lugánan di benta konosí. Pa mas informashon por yama Hugo Zimmerman na 510-4171 òf 695-6876.