WILLEMSTAD.- Hopi ta kòrda e tremendo evento di aña pasá aprel, den format di Gala di Bolero Show baliabel, organisá pa e tim di Super Orkesta Karimbo, den Sala Multifunshonal  PWFC.
Despues di e tremendo éksito di aña pasá, Orkesta Karimbo, no a sinta ketu i a sigui traha ku alma i kurpa, pa por komplasé e tantísimo, petishon  pa un ripitishon.
Djadumingu 28 di aprel 2019, ta e fecha ku Super Orkesta Karimbo a skohe pa presentá Gala di Bolero 2, un biaha mas den Sala Multifunshonal di PWFC, di 4 or di atardi pa 9 or di anochi.
Komo invitado speshal, Orkesta Karimbo, a invitá e super kantante di Bolero, Wladimir Lozano, konosí pa Dimensión Latina, direktamente for di Venezuela.
Wladimir Lozano, huntu ku Dimensión Latina, tabatin éksitonan grandi, manera La Piragua, Mi Adorada, Blanca Azucenas i masha hopi éksito mas. Despues el a bai forma parti di La Salsa Mayor huntu ku Oscar de Leon.
Tempunan inolvidabel kaminda nos propio maestro yu di tera Enrico Henriquez, ku por sierto, ta aktualmente pianista di Orketa Karimbo, tabata toka ku Oscar de Leon.
Wladimir Lozano indudablemente, konsiderá, un di e boleristanan di mas grandi di tur tempu, sigur despues di e époka di otro grandi di Venezuela, esta Felipe Pirela, dfm.
Tambe lo t’ei pa Gala di Bolero 2, invitá pa Orkesta Karimbo, un elenko di 15 super kantante di bolero lokal , kada un ku nan estilo. Tur kompaña pa Orkesta Karimbo.
Michael Boncouer, Ompi Stefania, Wilbert Petronella, Romeo Heye, Anthony Pieter, Carlos Salsbach, Farley Lourens,  Herbert Martina, Dennis Cicilia, Glendry Raphaela, Harold Diels,  Wini Poulo, Sonny Real, Max Henriquez i la gran dama de la cancion Doña Mafalda Minguel.
Tambe lo bai t’ei e tremendo Dj. Wendel Martis, Café con Son.
Tur esaki lo bo haña den Gala di Bolero 2 i mas organisá pa Super Orkesta Karimbo.
Buska bo karchi na tempu na 510-4171, 560-5173, 524-2233, 521-9393, 513-7364 i tambe Direktiva UPAH, APPK, APT i Penshonado DOK.