C AIRO ( AP ) . – Un studiante universitario a wòrdu hinká mata dilanti di su frei ora tres supuesto mi l isiano islámiko a enfrentáeparehaiabisa nan ku nan no mester tabata huntu den públiko si nan no tabata kasá, asina funshonarionan di seguridat egipsio a bisa.
E asesinato a kousa temor ku gruponan di vengadónan ta tratando di imponé e restrikshonnan islámiko ku forsa, alentá pa elekshon di e presidente i s lami s ta Mohamme d Morsi. E musulmannan moderá, tambe e liberalnan i gruponan di muhénan, ta preokupá ku e presidensia di Morsi por eliminá poko poko e tradishonnan sekular di Egipto i kambia e formashon sosial di e pais aki di 82 mion habitante, kaminda mayoria di e poblashon ta musulman.
E studiante, Ahmed Hussein Eid, di 20 aña, a wòrdu ataká dia 25 di yüni den siudat Suez, na ost di Cairo, ora e tabata ku su frei den un parke. No tabata bon kla kiko nan tabata hasiendo ora e tres hòmbernan, ku a yega riba motosaikel, a ataká nan.
Pe ro outor idatnan, sitando e testimonio inisial di e mucha muhé, a bisa ku e hòmbernan a bisa nan ku nan no mester tabata huntu pasobra nan no tabata kasá i ku nan mester a bai mesora kada un pa nan kuenta. A kuminsá un diskushon i un di e tres atakantenan a hinka Eid den su bèl drechi, serka di su genitalnan. El a keda hospitalisá i a muri debí na su heridanan un siman despues, djaluna, segun funshonarionan di seguridat.
Suez ta un bastion di e islamistanan ku a duna Morsi un apoyo amplio den e di dos buèlta elektoral di dia 16 i 17 di yüni kontra Ahmed Shafiq, ku tabata e último promé minister di presidente Hosni Mubarak promé ku el a wòrdu tumbá den un lantamentu popular aña pasá. Suez tabata un foko di e lantamentu.
Resientemente supuesto milisianonan a asesiná dos músiko den un provinsia di riu Nilo. E musulmannan radikal ta konsiderá ku músika ta un distraishon di e debernan religioso.
E matansanan aki tabata ekstremadamente inusual durante e régimen di Mubarak.
Outoridatnan di seguridat ta bisa ku no tin evidensianan ku ta vinkulá e agresornan ku ningun di e prinsipal organisashonnan islámiko na Egipto. Tur e gruponan ei, inkluso Hermandat Musulman di Morsi, a nenga tur vinkulashon ku e asesinonan.
