BOGOTA (AP).- Supuesto rebeldenan di FARC ayera mardugá a ataká un instalashon di petroli na sùit di e pais ku armanan di kandela i nan a mata sinku trahadó di firmanan kontratista di Ecopetrol, asina outoridatnan a bisa.
Tres trahadó mas a resultá heridá den e hecho ku a tuma lugá den un pos di petroli den e zona Puerto Caicedo, den departamentu Putumayo i na 470 kilometer na sùitwèst di Bogotá.
Den loke ta bai di aña tabatin mas di 20 atake kontra e sistema di transporte di krudo di parti di gruponan armá ilegal, miéntras ku aña pasá tabatin 40 atake kontra Ecopetrol. Sin embargo, no a reportá atakenan resien kontra posnan.
E t rahadónan ku a muri i esnan heridá tabata pertenesé na e firmanan lokal kontratista Cotransur i Independence, ku ta ofresé servisionan mane ra boramentu i mantenementu di posnan di petroli i gas.
Ecopetrol, Independence i Cotransur a kondená e atake.
