WILLEMSTAD.- Nan a kòrdá riba praktikamente tur detaye, ‘Survival’ su ‘One for the Road’ a resultá no solamente un tremendo konsierto pero tambe un fiesta di klase ku a surpasá tur espektativa di esnan ku a asistí.
E públiko ku a asistí a disfrutá dje konsierto ku kansionnan ku a hiba nan bèk den tempu, un show di Survival ku a brinda muzik na nivel i pèrkurá pa momentunan inolvidabel na vários momentu durante dje presentashon.
Despues dje konsierto a sigui e fiesta ku presentashon di Highway Band i Happy Peanuts, aki tambe ámbos banda a los muzik pone tur hende subi dansflur pa baila i gosa.
E pregunta grandi ku a keda lansá na final dje anochi ta ku si ta bèrdat esaki tabata ‘One for the Road’?. E públiko sigur lo ke disfrutá un biaha mas dje presentashon di Survival.
Riba foto nos por apresiá parti dje ambiente durante di ‘One for the Road’ di Survival. Potrètnan pa kortesia di www.turkutin.com.