WILLEMSTAD.- Despues di algun aña ousente Grupo di Karnaval Hubenil ‘Sweet Sugar’ tei bek. Den wikènt ku ta tras di lomba e yunan di Mili Hart, lider di Sweet Sugar a tene un konferensia di prensa na Kura di Arte kaminda nan a anunsiá ku nan tei sigui ku e grupo di Karnaval Hubenil.
Miruselle i Mirulange Hart huntu ku Valerie Dorcas a informá ku e grupo entrante Marcha Hubenil 2019 lo presentá bou dje nòmber ‘Sweet Sugar sigui konta’. E tim di ‘SSS’ ta konsistí prinsipalmente di eks miembronan di Sweet Sugar ku a tuma e desishon pa sigui ku e grupo.
Inskripshon pa ‘Sweet Sugar sigui konta’ ta tuma lugá dia 29 di ougùstùs di 6.30 pa 7.30 di anochi na Kura di Arte na Pietermaai. Inskripshon lo ta habri te ku 30 di òktober próksimo.
Hóbennan ku ta interesá pa partisipá ku e grupo lo tin oportunidat di bai ku e grupo grátis si nan bende 13 karchi di ‘Bon Kuné’ ku lo tuma lugá dia 9 di desèmber 2018.
Pa mas informashon por yama 681-4090 òf por manda un email pa sweetsugarkorsou@gmail.com