WILLEMSTAD.- Un danki di kurason na tur e personanan ku a entrega 1 òf mas formulario i dje forma ei a partisipá na e kampaña ‘Rei ken ta sali Rei òf Reina di Tumba 2026’. Ta basta formulario EXTRA a risibí.
Despues dje kontròl di formularionan nos a konta un total di 17 persona ku tabatin e kontesta korekto: Charelson ‘Sontje’ Mercelina komo Rei di Tumba i Gilbert ‘Dibo D’ Doran komo promé finalista.
E 17 formularionan aki a bai den un buzon kaminda nos kolega Liesje Trinidad a saka e formulario ganadó. E felis ganadó a resultá T.Oleana Martis.
Awe durante di dia e kordinadó di e kampaña Sra. Sin Paulina lo tuma kontakto ku e ganadó pa dje forma ei nos plania e fecha i orario ku lo hasi entrega di e premionan.
Pabien na nos ganadó i un biaha mas danki na tur ku a partisipá na e tradishonal kampaña di Festival di Tumba.