HERUSALEM, INDEFINI, AFP.- Diputadonan israelí a disolvé parlamento djaweps, kreando espasio pa elekshonnan legislativo nobo, e di sinku den ménos ku kuater aña. E minister di eksterior, Yair Lapid, a wòrdu nombrá komo promé minister interino di Israel.
E disolushon a wòrdu aprobá ku 92 voto pro i niun kontra, pa un total di 120 asiento. Promé ku e votamentu, diputadonan israelí a bisa ku lo organisá elekshon legislativo riba 1e di novèmber.
E disolushon a pone fin na un aña kòrtiku di promé minister saliente israelí Naftali Bennett, na frente di un koalishon di ocho partido, kual a inkluí un formashon árabe pa promé biaha, algu históriko na Israel.
Su meta prinsipal tabata pa pone fin na diesdos aña, sin interupshon, di e derechista Benjamin Netanyahu, pero tambe forma un rama ehekutivo, kual tabata imposibel despues di tres elekshon.
Algun ora promé ku a anunsiá e disolushon di parlamento, Bennett a anunsiá ku e lo no partisipá komo kandidato den e próksimo elekshonnan.
