WILLEMSTAD.-  Awe nochi, lo tin e obra “Ta mi falta ?”  pa 7.30’or di anochi na La Tentashon. Ta mi falta? Ta un obra skibí i dirigí pa Abigahie Pinedo.

“Ta mi Falta” ta un obra kaminda por mira situashon nan diario ku alumno, mayor i dosente ta pasa aden. E intenshon ta pa via di e obra aki mira e realidat i tambe ku meta pa saka afó kiko por ta posibel solushon nan.
Abigahie a skohe pa hasié un obra apstrakto ya e mensahe ta wòrdu tres’é mas kla posibel.
E tremendo obra teatral aki a pone hopi hende para ketu na problematikanan den nos sosiedat. E obra aki a estrená den e wikènt di 28 di òktober.  Despues di e presentashon por a diskutí tokante di e temátika ku tin den e obra. E públiko tabatin reakshonnan super positivo i nan a pone énfasis pa e obra aki bai skolnan.
Mirando e reakshon i petishon a habri un oportunidat mas pa presentá e obra aki awe nochi den La Tentashon.
Den e obra aki lo bo mira presentashon di Abigahie Pinedo, Injerreau Navarro, Dianaila Nersicio, Sulaika Lourens, Hebron Jansen, Verlon Donker i Lilimar Valencia.
“Ta mi Falta?”
Karchi ta optenibel serka e aktornan òf na La Tentashon for di 5.30pm.
Pa mas informashon por yama Abigahie Pinedo na 686-5046.