WILLEMSTAD.- Durante di wikènt a tuma lugá e estreno di e obra humorístiko skibi i dirigí pa Anthony Jamanika, presentá pa grupo di komedia ‘Elouisa’ titulá “Ta mi kachó bòbi t’e sinbèrgwensa?”.
E komedia ta relatá e historia di Wili, un hòmber ku no ta gusta traha, pero ta haragan pa kome i ta stèns riba su supuesto namorada ku ta traha komo kria na un kas. E ta drenta di porta di patras, kaminda e kria ta traha, yena su barika tur santu dia, anochi e ta slùip drumi den kamber di e kria, i eksigí mitar di e namorada su salario. E ta inteligente, sa kon manipulá, asta dilanti hues e ta logra sali liber riba sierto sospecho ku tin riba dje.
Riba foto nos por apresiá algun esena durante dje komedia. Keda pendiente pa e siguiente presentashonnan ku lo tuma lugá wikènt benidero.