LAKE BUENA VISTA, FLORIDA, MERKA, AP.- E tata di un mucha ku a muri despues di tabata ataká pa un kaiman na un hotèl di Disney na Florida luna pasá, a bisa na outoridatnan ku tabatin dos di e animalnan aki den e atake.
Matt Graves a bisa ku tabatin un segundo kaiman den e atake, na momentu ku el a purba di reskatá su yu di 2 aña, kual tabata lastrá pa un promé kaiman den e lago. E insidente a tuma lugá na Grand Floridian Resort and Spa di Disney.
E kapitan Tom Wellons a informá ku su interakshon ku e tata residente di Nebraska via ‘e-mail’, ta mandá pa su supervisornan.
Wellons a indiká ku na promé instante, Graves a ninga di bandoná e área na momentu ku ekiponan di reskate tabata buska e yu den Lane Graves, apesar ku e tabata mordé pa e kaiman i mester a kosé pa esaki. Wellons a agregá ku al final el a logra konvensé Graves pa esaki risibí atenshon médiko, primintiendo e ku e por regresá despues.
Riba kaminda pa hospi tal , Graves a komparti “e horor ku el a eksperimentá” na momentu ku su yu tabata halá den awa i kon “un otro a atak’é na momentu ku e tabata lucha pa su yu”, segun ‘e-mailnan’ mandá pa e supervisornan.
