WILLEMSTAD.- Grupo di Karnaval T’aki Tin djasabra anochi durante di nan tradishonal Jump In a hasi un donashon di 25 mil florin na AGKK. E organisashon karnavalesko pa algun aña kaba ta kontribuí ku Karnaval di Kòrsou i ta hasi donashon na AGKK spesialmente pa sostené gruponan di Marcha Hubenil i Parada di Tiner. Talitha Hollander, presidente dje organisashon djasabra anochi huntu ku su direktiva a entregá presidente di AGKK, Henny Reinilla un chèk simbóliko ku e donashon di e aña aki. Riba foto nos por apresiá momentu dje entrega di donashon. Potrèt pa kortesia di www.turkutin.com