WASHINGTON, MERKA, AFP.- E tasa di vakunashon kompleto kontra COVID-19 a yega 39% den Latinoamérika i Karibe, segun indikashon di Organisashon Panamerikano di Salubridat.

Seis pais di e region no a yega ni 20% di su pueblo vakuná, segun indikashon di e direktor di OPS, Carissa Etienne den un rueda di prensa.

Ta trata di Guatemala i Nicaragua di Sentroamerika i Haiti, Jamaica, Saint Lucia, Saint Vincent i Grenada den karibe. Vakunashon kontra COVID-19 di e nashonnan aki a wòrdu limitá pa distribushon no igual di dósis i problemanan spesífiko.

Etienne a bisa ku 26 di 51 pais i teritorio di e region tin 40% òf mas di nan pueblo vakuná kontra Corona vírùs.

Pero el a enfatisá ku algun pais mester di “atenshon spesial” a vakuná 40% di nan habitantenan pa fin di aña, un meta ku OPS a lansa siman pasa.