WILLEMSTAD.- E revista, Time Magazine, a publiká su lista di e personanan mas influyente di 2019. Riba e lista tin nòmber di entre otro e kantantenan Taylor Swift, Lady Gaga i Ariana Grande, pero tambe aktor Rami Malek i e aktris Emilia Clarke.
Aserka tin e ‘boyband’ di Sur Korea, BTS, i e rapper Khalid riba e lista di Time Magazine.
Den kuadro dje publikashon di e lista e revista a produsí 6 diferente ‘cover’. Riba nan lo bo por mira e karanan di Swift, Dwayne Johnson, Sandra Oh, Gayle King, Nancy Pelosi i Mohamed Salah. Nan tur ta aparesé riba e lista.
Aserka e revista a pèrkurá pa algun nòmber grandi duna komentario riba loke pa nan un dje personanan di mas influensia a nifiká. Asina Celine Dion ta duna komentario riba Lady Gaga i Shawn Mendes ta papia di Swift. Beyonce ta papia di Michelle Obana, Alicia Keys riba Khalid i Robert Downey Jr. ta na palabra pa Malek.