INGLATERA.- Taylor Swift ku 6 nominashon ta e artista ku mas nominashon den e próksimo edishon di European Music Awards di MTV ku lo tuma lugá dia 12 di novèmber próksimo na London, Inglatera.
E hóben kanades, Shawn Mendes ta siguié ku 5 nominashon. Kendrick Lamar i Ed Sheeran tin ámbos 4 nominashon. Nan tur a keda nominá pa ‘Mihó Artista’ huntu ku Ariana Grande i Miley Cyrus.
Swift ta aspirá galardon pa ‘Mihó Artista’, ‘Mihó Video’ pa e gran éksito ‘Look what you made me do’, den e kategoria aki e ta kompetí ku Katy Perry pa ‘Bon Appetit’; Foo Fighters ku ‘Run’; KYLE ku ‘Spy’ i Lamar ku e éksito ‘Humble’.
Pa mihó kansion tin entre otro nominá e remix di ‘Despacito’ di Luis Fonsi i Daddy Yankee ku ta inkluí kolaborashon di Justin Bieber; tambe ‘Wild Thoughts’ di dj Khaled ku kolaborashon di Rihanna i Bryson Tiller; ‘Rockaby’ di Clean Bandit ku Sean Paul i Anne-Marie; ‘Shape of you’ di Sheeran i ‘There’s Nothing holdin’ me Back’ di Shawn Mendes.