MERKA.- Den loke ta ser spekulá ku Taylor Swift a hasié pa motibu ku Kate Perry su albùm ta subi merkado awe. Taylor Swift for di awe a pone tur su músika disponibel riba plataformanan ‘online’. Swift na 2014 a kita tur su músika for di e plataforma di músika online ‘Spotify’, paso na su pareser esaki ta un eksperimento.

Su duda ta den e echo ku e ta di opinion ku e no por pone su produkshon riba un plataforma ku ta ofresé e muzik grátis. ‘Mi no ta di akuerdo ku muzik no tin un balor i pe motibu ei ta grátis’, asina Swift a reakshoná den un entrevista. Na 2015 e kantante a lansa su albùm ‘1989’, i a duna outorisashon na Apple Music pa publik’é riba nan plataforma di músika, esaki despues ku e empresa a primintí ku nan lo paga e artista i kompositornan mas mihó.

E motibu ku Swift ta pone su kansionnan disponibel ta pa e selebrá e echo ku su albùm ‘1989’ a surpasá 100 mion na benta. No ta konosí si e kansionnan lo permanesé pa un tempu òf permanentemente riba e plataformanan.

Tampoko no ta konosí ku e ‘zèt’ di Swift tin algu di aber ku e lansamentu di ‘Witness’, e albùm di Katy Perry. Swift i Perry tabata amiga un tempu, pero nan tin mas ku 5 aña diskushon kontinuo ku otro.