WILLEMSTAD.- Teatro KadaKen a selebrá Dia di Obrero huntu ku pueblo di Kòrsou den Otrobanda i tabata presente na Rouivilleweg na momentu ku a duna Felix Chakutoe homenahe. Produktor Lou Nisbet a papia di e importansia di e obra teatral nobo akí, skibí i dirigí pa Gibi Bacilio.
Ku Chakutoe, Teatro KadaKen ta sigui duna atenshon na e lider históriko akí te ku fin di novèmber 2019. E siguiente presentashonnan ta den wikènt di 3, 4 i 5 di mei 8 or di anochi i riba djadumingu, 5 or di atardi.
E obra ta apropiá pa adulto i hóben for di 12 aña pariba. Chakutoe ta na Papiamentu i pa esnan ku mester, tin un resúmen na ingles disponibel. Un danki na Prins Bernhard Cultuurfonds Caribisch Gebied, Fonds Podiumkunsten, BankGiro Loterij Fonds i Kas di Kultura ku a yuda hasi Chakutoe posibel.
Ta bende karchi pa Chakutoe pa ANG 27,50 optenibel na Mensing’s Caminada, Van den Tweel Zeelandia i online: https://bit.ly/ChakutoeTixx Pa mas informashon: teatrokadaken.org òf yama 569-8417/510-2368. Potrètnan pa kortesia di Margo Groenewoud.