PORT-AU-PRINCE, AFP.- E kantidat di morto ku e temblor di 14 di ougùstùs a laga na Haiti a oumentá na 2.207, segun indikashon di outoridat djadumingu. Yudansa ta yegando hopi slou den zonanan afektá debí na violensia di gangnan arma.
Outoridat a konta 2.189 morto anteriormente.
Ocho dia despues di e katástrofe, ainda ta buskando hende pero e chèns pa haña sobrebibiente ta bira ménos ku kada ora ku pasa.
Kasi 600.000 persona a wòrdu afektá pa e temblor di magnitut 7,2 i mester di yudansa humanitario urgente, segun outoridat haitiano.
Transporte di awa i kuminda pa zonanan afektá ta un reto logístiko dor ku delinkuentenan ta ataka e karavananan.
“Nos tin un problema kada biaha mas evidente”, asina Jerry Chandler, direktor di Protekshon Sivil di Haiti a bisa.
Dor di destrukshon i dañonan grave den zonanan rural aislá, outoridat haitiano ta enfokando pa proveé yudansa humanitario ku un helikòpter di Nashon Uní i ocho avion di ehérsito merikano.
