TOKYO, JAPON.- Muestranan di awa di laman ku a ser tumá despues ku a laga awanan kontaminá for di e reaktor nuklear di Fukushima a demostrá ku tin nivelnan di radioaktividat hopi mas abou ku e límite di seguridat pa salú di hende, esei di akuerdo ku loke e operador TEPCO a duna di konosé ayera. E desecho a kuminsá for di djaweps i a representá un 1.34 mion meter kúbiko di awa ku a keda kolektá den e planta nuklear durante 12 aña, despues ku e planta aki a ser afektá dor di un tsunami. Esei a pone ku China a pone un prohibishon riba importashon di kuminda marítimo for di hapones.
TEPCO ta bisa ku el a tuma muestranan for di djaweps atardi despues ku a laga un kantidat di awa bai den Oséano Pasífiko, i riba djabièrnè el a bisa ku e resultadonan ta demonstrá ku e nivelnan di radioaktividat ta denter dje límitenan di seguridat pa salú di hende.
Pero nada di esaki a kita ku un kantidat di hende a disidí di manifestá ya ku nan no ta konfia esaki. Nan a duna di konosé ku nada di esaki no ta di konfia ya ku e problemanan lo bini despues ya ku e awa por laga di afektá hende direktamente, pero e lo afektá piská i otro organismonan marítimo ku a lo largu lo bin afektá e hende.
