MERKA.- ‘The Academy’, e organisashon tras di e premio ‘Oscars’ a raya e kómiko Bill Cosby i e regisor, Roman Polanski.
Djamars último, despues di un reunion a disidí na raya ámbos personahe for di e organisashon, esaki den kuadro di e reglamentu i normanan di e organisashon.
E direktiva ta keda enkurashá su miembronan pa keda respetá e norma i balornan di hende. Cosby di 80 aña siman pasá a keda lagá den libertat despues ku el a paga un depósito, esaki pendiente e desishon final di su kaso kaminda e ta keda akusá di a droga i malusá Andrea Constand na 2004.
Polanski di 84 aña tambe ta keda akusá ku na 1972 e lo mester a violá un aktris aleman i na 1975 lo e mester a abusá di un mucha muhé di 10 aña.