WILLEMSTAD.- Pa Karnaval 2020 Grupo ‘E He He’ tei presentá pa di dos aña den Gran Marcha di Karnaval. Pa esaki nan a bai pensa i buska hopi leu un tema pa nan bisti pero ku tòg mester ta un fásil, esaki dor ku e grupo ke bisti fásil pa baila den Karnaval.
Debí ku ta bai selebrá e di 50 aniversario di Karnaval nan a disidí di bai den pasado, te na komienso di Karnaval pa skohe nan tema.
Hopi teoria i informashon tin relashoná ku kon Karnaval mes a kuminsá. Hopi ta diferensia for di otro, pero un ku a kapta atenshon ta esun di Venezia, Italia.
Na un di e fiestanan di e hende riku nan a kuminsá komo un wega entre e partisipantenan pa bisti un manera ku supuestamente bo no ta rekonosé e persona fásil. A kuminsá bisti maskarada di tal forma ku bo no por wòrdu rekonosé.
Sigun e historiadornan aki Karnaval a kuminsá i wòrdu kopiá pa otro paisnan, asina tambe el a bai kaya, desaroyá i bira e karnaval ku nos konosé aworakí rònt mundu.
Den tur e fiestanan luhoso ku a tuma lugá rònt mundu, tin ku a sobresalí i ta famoso te dia di awe. Un di nan ta e “The Black and White Masquerade Ball” ku a tuma lugá na New York i ta esaki “Grupo E He He” ta presentá kuné awe.
E ta un fásil pero ku hopi signifikashon. Nos a bai bèk den tempu pero tòg nos ta keda moderno den nos trahenan. Pa tantu hende ku ta bringa. Blanku òf pretu no ta koló. Blanku ku pretu ta sombranan ta di otro. Blanku ta suave i puru, kaminda Pretu ta fuerte i dominante.
Den mundu di chinesnan ta dos forsa tin no tin mas. Ta blanku ku pretu.
Si bo tapa bo kara ku blanku ta pretu bo ta i si bo tapa bo kara ku pretu ta blanku bo ta.
E tema aki ta un ku bo por keda diskutié te mañan sin por keda kla.
P’esei “Grupo E He He” ke trese e tema aki den karnaval pasó blanku ku pretu òf pretu ku blanku ta keda kana banda di otro unda ku nan bai, pues laga nos ban kana banda di otro.