MERKA.- Mundialmente ‘Thriller’ di Michael Jackson ku 47 mion albùm bendí ta ketu bai e albùm mas bendí di tur tempu, pero na Merka e albùm a keda bahá for di e trono, segun informashon.
E albùm di ‘Greatest Hits’ di The Eagles ku a bende mas ku 38 mion for di 1976 na Merka, a surpasá e kantidat di 33 mion di ‘Thriller’ di Michael Jackson.
Den e sifranan ku a keda kalkulá ta konta tambe e kantidat di ‘streams’ ku kada albùm a risibí. 1500 stream di un albùm òf 10 kansion di ‘download’ ta igual ku benta di 1 albùm.
‘Nos ta gradisí nos famia, management, crew, e animadónan di radio i prinsipalmente nos fanátikonan loyal ku tur e 46 aña a keda ku nos den bon i den malu’, asina e hòmber prinsipal di Eagles, Don Henley a indiká.