WILLEMSTAD.- Resientemente grupo di Karnaval “The Jumping Jewels” a estrená su trahe pa Karnaval  2018 pa su miembresia.
E tema di e disfras ta wairu i e lema ta “Despues ku mi kome ku n’e, mi ta waya ku n’e”.
Ku esaki The Jumping Jewels a referí na e kreatividat pa a yega na su wairunan. E trahe ta konsistí di diferente wairu ku ta wòrdu apliká na kurpa i riba kabes di e partisipante. E kolonan blou, oraño i ros fúksia ta esnan dominante den e totalidat ku ta hasi e trahe sumamente kolorido.
Manera ta nos kustumber The Jumping Jewels a bolbe trese e kombinashon di kreatividat, kolo i ambiente di Karnaval. Manera semper músika ta na enkargo di DJ Black.
Si bo ta interesá pa kome ku n’e i waya ku n’e den Karnaval 2018, djòin nos grupo dor di tuma kontakto ku un di e siguiente miembronan di direktiva The Jumping Jewels:
Angelo +5999 695-4532; Mimi +5999 674-0258; Romualdo +5999 512-3137; Faina +5999 529 -6660 òf Cesareo +5999 510-6868.