WILLEMSTAD.- Den wikènt ku ta tras di lomba e grupo di baile ‘Krea Dansa’ i ‘Krea Dansa for Kids’, bou di direkshon di Dennis Puriel a presentá den La Tentashon nan show titulá ‘The Secret’.
Dennis Puriel komo direktor a sa di presentá un show variá i tur afó, kaminda e públiko presente por a presensiá i eksperensiá un show na nivel internashonal kombiná ku teksto, mensahe, músika, kuminda pa pensamentu i naturalmente baile.
‘Krea Dansa’ i ‘Krea Dansa for Kids’ por mira atras riba un espektákulo na nivel i ku un toke edukativo.
Ku e show ‘The Secret’ e gruponan di baile a sera aña 2017 i ta yama un danki na tur mayor i òf otro persona ku di un forma òf otro a koperá pa hasi 2017 un éksito.