SAN FRANCISCO, MERKA, AFP.- Djaluna TikTok a presentá un demanda den korte federal merikano pa impedí ku Montana ta implementá un prohibishon general pa e ret sosial di video.
E prohibishon sin presedente ku lo drenta na vigor na aña 2024, ta violá derechi di libertat di ekspreshon protehá den Konstitushon merikano, segun TikTok su demanda.
E prohibishon a kombertí den lei ku firma di e gobernador di Montana, Greg Gianforte riba 17 di mei.
Gianforte a bisa riba Twitter ku e ta respaldá e prohibishon pa “protehá datonan personal i privá di e habitantenan di Montana for di e Partido Komunista Chines”.
“E estado a pasa e lei sin presedente, basá riba nada mas ku spekulashonnan infundá”, asina TikTok a añadí den su demanda.
Siman pasá, sinku usuario di TikTok a presentá un demanda dilanti di tribunal federal di Montana pa anulá e prohibishon general, argumentando ku esaki ta violá su derecho di libertat di ekspreshon.