WILLEMSTAD.- Den oranan di mainta e tim multidisiplinario formá dor di Inspectie SOAW, Maritieme Authority Curaçao, Havenveiligheidsinspectie, Imigrashon, SVB, interpol i BAB, a tene un kòntròl grandi riba e “boorplatform” NOBLE ku ta mará na Caracasbaai.
Pa promé bia tur e instansianan aki a uni, i a tene un kòntròl di e magnitut aki riba un “boorplatform”.
E kòntròl a kuminsá alrededor di 9or i a dura te den oranan di mèrdia.
A bai ku vários dokumento pa analisá esaki nan mas a leu.
Sigun informashon ku Redakshon di EXTRA ta disponé di dje, e “boorplatform” ta na Kòrsou aktualmente pa hasi algun preparashon, pa despues bai hasi trabounan di boramentu den laman di Sürnam.