WILLEMSTAD – Awe mainta alrededor di 9or di mainta e Tim Multidisiplinario huntu ku vários departamento di Kuerpo Polisial i otro unidatnan mas, tur huntu a realisá kontrol tantu na e parti di konstrukshon di Marriot Courtyard banda di SVB i tambe na Corendon Hotel. Na Courtyard a saka tur trahadónan pafó i huntu ku imigrashon. un pa un tabata kontrolá nan tur. Tambe manera polisnan a drenta mesora a hasi detenshon di algun hòmber latino. No ta konosí ainda a motibu pa esaki. Simultáneamente a drenta na Corendon i einan tambe a tene un kontrol riguroso. Asina tin mas detaye ofisial lo trese esaki pa lektornan di EXTRA.