WILLEMSTAD.- E wikènt aki, 7-8-9 òktober lo tin e estreno di “Tin Tan Legend-Dame un Trago” na Zona Kultural, sala Norman de Palm ántes  Teatro Luna Blou.
Un di e produktornan di komedia gusta aki na Kòrsou, Percey (Boskwiri) Benita lo bin ku e komedia ‘Tin Tan Legend’. Hopi hende tabata pidié pa trese Tin Tan bèk. Mirando e petishonnan el a krea un vershon mas di e personahe tan gusta Tin Tan.
Tin Tan lo bin e wikènt aki destrosando bida di hende un biaha mas. Lisette tin su negoshi kaminda e ta pone su fiestanan i huntu kuné e tin algun Latina ku ta yud’é aki aya. Tin Tan tambe ke lanta un negoshi asina mirando ku e por gana algu di sèn ei, pero kon e lo yega na esei?
Si bo ke sa mas di “Tin Tan Legend – Dame un trago” bin disfrutá e wikènt aki na Zona Kultural (Teatro Luna Blou).
Estreno djasabra 7 di òktober 9’or di anochi. Siguiente fushon djadumingu 8 di òktober 8’or di anochi i djaluna 9 di òktober 9’or di anochi.
Karchi ta optenibel na Mensing’s, 24 uur uit de muur i Beep Beep. Si sobra karchi lo por haña 3 ora promé na Zona Kultural (Teatro Luna Blou). Pa mas informashon por yama 462-2209.