WILLEMSTAD.- E artista di género Urbano, Titorasz kende ta forma parti di e grupo ‘Easy Money Gang’ ta moviendo bon e aña aki ku hitnan manera ‘Mané mi ke’, ‘Mi Mami’ i ‘Wak mi awoki’.

Pa produkshon di ‘T’abo mi Mester’ Titorasz a drenta den studio ku otro dje artistanan lokal di e género urbano ku ta biniendo duru, Deyon.

E kansion aki ta un fushon di dancehall i trap, i tin un ‘flow’ hopi dushi kuné. E kansion a keda produsí pa Ox, produktor di e hit ‘E Temporada’.

Ya kaba e kansion ta zonando na radio i bo por solisit’e. E videoclip ku a produsí den ménos ku 1 siman ya ta kousando un estrago riba YouTube ku kasi 75 mil views. Titorasz e biaha aki komo solista a manda un bòm kaya !.