MERKA.- Den un komunikado ku Paramount Pictures a publiká nan ta informá ku durante produkshon dje último pelíkula di ‘Mission Impossible’, e aktor Tom Cruise a kibra su ènkel na momentu ku e tabata hasiendo un ‘stunt’. E produkshon a keda posponé te na momentu ku Tom rekuperá kompletamente i e pelíkula ta keda pendiente pa keda estrená dia 27 di yüli 2018.
Durante grabashon di un esena na London, Inglatera, djasabra último, Cruise a trata di kore i bula di un plataforma pa otro, ku un ‘safety wire’ bistí, pero e aktor di 55 aña, kende ta insistí di hasi su propio ‘stunt-nan’, a faya i bai dal den un edifisio, dje forma aki leshoná su mes.