MERKA.- Tom Cruise a konfirmá ku lo bini un di dos edishon di e klásiko sinematográfiko ‘Top Gun’. E aktor di 54 aña a konfirmá e rumornan riba ‘Top Gun 2’ durante di un entrevista. ‘E ta bèrdat’, asina Cruise a kontestá riba e pregunta ku si lo tin un di dos ‘Top Gun’. Grabashon lo kuminsá próksimo aña. E ta bai sosodé di bèrdat”, asina e aktor a sigui splika. Pa basta tempu kaba tin rumor ku lo tin un di dos edishon dje éksito di 1986. Tom Cruise i Val Kilmer ta esnan ku tabatin e ròl prinsipal komo pilotnan di avion di guera, Pete ‘Maverick’ Mitchell i Tom ‘Iceman’ Kazanski. E produktor, Jerry Bruckheimer a deklará djasabra último na ‘Entertainment Tonight’ ku e ‘script’ ta kla i ku e kompania sinematográfiko ‘Paramount’ ta interesá den produsí esaki. ‘Na momentu ku nos tin tur nanishi den mesun direkshon nos lo kuminsá”, asina Bruckheimer a deklará.