KRALENDIJK — Gezaghebber Edison Rijna despues di a felisitá tur duanero riba nan dia djaweps i tambe gradisí nan pa e trabou ku nan a bin ta ehersé trabes di añanan, a bisa e
trabou di un duanero ta di sumo importansia pa nos isla i ta un pilá fuerte i indes- pensabel pa yuda mantené òrdu aki na Boneiru. Atraves di e trabou e duanero ta duna aporte tambe pa krea fondo ku por usa pa progreso i bienestar di nos isla.

Gezaghebber di Boneiru Edison Rijna

‘Mi ta konsiente ku no ta un trabou fásil i no ta tur ora klientenan ta ekspresá gratitut
na e servisio. P’esei awe mi ke a para un ratu ketu i duna atenshon i apresio na e trabou aki. Mi ke enfatisá ku sin boso trabou nos isla no por progresá di un manera responsabel’, gezaghebber a bisa. Gezaghebber Rijna a sigui bisa, nos mester di boso komo duanero, nos isla ta dependé di boso integridat, honestidat, dedikashon, profeshonalismo i bon servisio. Tur dia ku boso bisti bos unifòrm i yega na boka di trabou, bo ta kolabo- rando pa un mihó Boneiru. Gezaghebber Rijna a bisa e ke motivá tur duanero pa sigui hasi e trabou ku mesun dedikashon i pashon i purba di mehorá kada dia mas i mas. Boneiru ta konta ku boso i boso por konta ku nos komo gobièrnu pa yuda kaminda por.

Duaneronan ku ta gosando di nan penshun tambe a partisipá djaweps den e selebrashon
di 'Dia Internashonal di Duana'. E foto ta duna un bista di e penshonadonan selador