WILLEMSTAD.- Ayera ‘DEN E BEMBE’ a tuma nota ku Aqualectra tabata hasiendo trabounan di mantenshon riba ruta di Karnaval. Palunan di lus ku despues di kontròl a resultá ku sea nan no ta bon mas pa keda den uso òf ku pa motibu di seguridat mester a risibí mantenshon. Esaki sigur ta di aploudí. E tim di prekario tambe tabata riba kaya ayera kontrolando na diferente kaminda si esnan ku a risibí aprobashon di prekario tabata kumpli ku e kantidat di espasio ku tin den nan pèrmit. Riba Rooseveltweg por ehèmpel a topa e Tim di Prekario ta midi un parsela. Ta manera ‘DEN E BEMBE’ a indiká ayera, despues di Festival di Tumba ta tur kos relashoná ku selebrashon di Karnaval ta kue un spit.