ORANJESTAD.-Polis di Aruba ta informá di un aksidente di Tráfiko ku a tuma lugá awe mainta. Ta asina ku awe mainta pa 8:30 sentral di polis a haña notifikashon di un aksidente ku a tuma  lugá patras di KIA, riba e kaminda pa Grapefield. Sentral di polis a manda un patruya, ambulans i tambe polis di departamento di Tráfiko. Na yegada di e patruya a bin topa ku un pikòp Nissan kolo shinishi. Tabatin tres hende hòmber den e kaso. Un di nan tabata mustra basta grave i na yegada di ambulans a dune asistensia médiko, pero lamentablemente no por a hasi nada mas pe.

Na e sitio di a presentá hefe di departamento di Tráfiko, altokomisario Arnhem i Slachtofferhulp. Departamento di Tráfiko ta hasiendo investigashon pa sa kiko a pasa eksaktamente. Lamentablemente e aksidente a kobra un víktima i esaki ta bira e di tres morto den Tráfiko. Ta trata aki di e hende hòmber Pedro Manuel Ochoa Gutierrez nase na Colombia dia 29 mei 2001 (24 aña). A transportá e dos otro víktimanan pa hospital pa atendé nan heridanan. Kuerpo Polisial di Aruba ta manda palabra di profundo kondolensia na famia di e víktima.