WILLEMSTAD.- Tin un organisashon lokal ku ta trahando basta duru pa logra kontratá un Mega Artista pa Kòrsou. E organisashon ya tin kontakto ku e artista aki ku den dékada 80 i inisio di 90 a logra éksito mundial ku diferente produkshon. E artista aki ta riba tour aktualmente den Latino Amérika i p’esei ta tratando pa wak si por logra tres’é Kòrsou komo e fecha final di su tour. ‘DEN E BEMBE’ tin e nòmber dje artista kaba, pero nos ta warda laga e organisashon kaba di konkretisá e dil ku e tim di maneho dje artista pa dje forma ei nos anunsiá ta ken i pa ki fecha lo e ta na Kòrsou. Ta pendiente pasó ta un artista ku hopi hende na Kòrsou ta anhelá pa mira!.