WILLEMSTAD.- Relashoná ku preparashon pa Kantando Mayó, Komishon di Kantadó Mayo ta invitá tur lider di agrupashon musikal ku a inskribí pa e Festival pa ta presente mañan pa 7’or di anochi pa Trèk number.
E trèkmentu di number ta tuma lugá na Klup di Shell. Ta pidi tur lider di agrupashon musikal ku ta bai partisipá pa nan presentá ku nan òrdu di aparishon di nan kantantenan riba e fecha ku nan tin ku presentá.
Nota: E sekuensia duna no por keda kambiá despues ku esaki keda duná mañan anochi.
Festival Kantadó Mayó 2017 lo tuma lugá den Curaçao Festival Center riba dianan 28, 29, 30 Mart i 1 aprel. E último anochi lo bai final ku e 30 nan ku a klasifiká. Komishon Kantadó Mayó a registrá 73 inskripshon pa e kontienda ku ta kuminsá djamars awó. Komishon Kantadó Mayó ta sigui mes un prosedura di regla ku ta vigente na e sentro di dibertishon Curaçao Festival Center
E premiashon lo ta:  Premio Estímulo, Trahe Maskulino, Trahe femenino, Popular, Letra, Bos i Entonashon, Aktuashon, Kuater finalista, Di tres finalista, Di dos Finalista, Promé Finalista- Kantadó Mayó

Pa pueblo
Direktiva di Fundashon Kultural Seú Kòrsou ta duna komunidat e tres  anochinan preliminar na un preis hopi abou. Entrada pa Festival Kantadó Mayó lo ta fl.5,= (sinku florin) pa e anochinan preliminar i fl.30,-- (trinta florin) pa e anochi final. Benta di karchi ta na Beep Beep i 24 uur uit de muur.