WILLEMSTAD.- Un selebrashon tur afó ta loke tabatin djabièrnè último na Club Union Boneriano. E tradishonal fiesta di ‘San Juan’ a konta ku un asistensia grandi i ku un públiko bon animá. Parti paden e públiko a gosa di presentashon di Grupo Karinjo i Grupo Komper i a baila na nan antoho. Parti pafó a toka honor na sr. Richard ‘Chati’ Constancia pa sende kandela, djei a sigui e tradishonal bulamentu di kandela ku partisipashon di un grupo grandi di públiko. Riba foto nos por apresiá parti dje ambiente di djabièrnè último na Club Union Boneriano.