WILLEMSTAD.- Djasabra anochi Lanthùis Brakkeput Mei Mei tabata e sentro di ambiente pa amantenan di Jump In. Grupo T’aki Tin ku durante dje último 2 añanan a bin ta organisá nan tradishonal Jump In ku e meta pa yuda otro gruponan a presentá otro tremendo Jump In. Durante dje aktividat di djasabra último Grupo T’aki Tin a hasi entrega di un chèk di 25 mil florin na AGKK pa dje forma ei duna sosten na gruponan hubenil i gruponan di tiner. E gesto aki sigur ta un tremendo sosten na e gruponan i ta di aploudí loke ku T’aki Tin ta hasi. Públiko a gosa i ounke áwaseru a kai esaki no a stroba goso di niun hende. Djis chèk e potrètnan pa bo mes mira ku ta un gosadera total tabatin na Brakkeput Mei Mei.