WILLEMSTAD.-  Djadumingu último na ‘Museo di Tambú Shon Cola’ tabatin tremendo ambiente durante di ‘Tambú di Domingu di Tres Rei’.
Tantu Zoyoyo i su grupo ku Mistica Stefania i Papi Cadeau ku su grupo di tambú di Charo a pèrkurá pa bon ambiente. Bailadónan a subi dansflur i demostrá nan arte den baliamentu di tambú. Un biaha mas a keda resaltá ku e tradishon di tambú na Kòrsou ta bibu bibu.
Fundashon Stripan un biaha mas a skor ku tremendo evento kultural. Ta manera nan ta bisa ‘un pueblo tin derechi riba su kultura’.