WILLEMSTAD.- Ayera fundashon Bírgen di Rosario a organisá pa di dos okashon un kompetensia di Karnaval entre Huize Welgelegen, Nos Lanterno, Pasadia Mi Amparo i Ricardushuis.
E kompetensia di ayera a tuma lugá riba e patio di Huize Welgelegen na Habaai.
E tema sentral dje fiesta tabata fantasia di kùp di plèstik.
E klientenan di e sentronan di kuido i personal a gosa dje músika, e ambiente i nan por a apresiá e kreashonnan di kùp di plèstik.
Eduard Serboni (81 aña) i Nicasia Rosina (83 aña), klientenan di Pasadia Mi Amparo a keda koroná komo Rei di Karnaval i Reina di Karnaval di fundashon Bírgen di Rosario.
Huize Welgelegen (Habaai), Nos Lanterno i Ricardushuis a terminá respektivamente riba di 2, 3 i di 4 lugá.
Riba foto nos por apresiá algun momento durante dje ambiente karnavalesko.