WILLEMSTAD.- Djasabra último e plan di fakansi di ‘Kura di Arte’ a yega na su final ku un tremendo presentashon di ‘Drum Circle’.
Mas o ménos 20 hóben di 6 te ku 13 aña di e barionan Pietermaai, Scharloo, Zwaan, Nieuw Nederland, Cher Asile i St. Jago a presentá un show ku a keda titulá ‘Drum Circle’.
E tokamentu a tuma lugá riba ‘Kliko’ ku a keda di spònser pa Selikor i ku e hóbennan bou di guia di e artista visual, Brigitte Anyaene a keda pinta.
Bou di guia di e perkushonista Gregory Kranenburg e hóbennan a presentá un show bon animá i ku esnan presente sigur a disfrutá di dje. Riba foto parti dje ambiente i tokamentu riba asera dilanti di Bar 27 na Ruyterkade.