WILLEMSTAD.- Ayera tardi a keda komprobá un biaha mas e nesesidat pa aktividat pa personanan di ‘tersera edat’. Agrupashon musikal Karimbo a organisá un ‘Gala di Bolero’ kaminda aparte di nan kantantenan Wini, Oswin i Magou nan a kompañá 13 kantante invitá. For di momentu di anunsio dje ‘Gala di Bolero’ aki ‘DEN E BEMBE’ tabata kombensí ku e fiesta aki lo a risibí hopi reakshon. Ayera, fiesta mester a kuminsá 4’or di atardi, pero fo’i 3’or ya tabatin públiko presente pendiente pa e organisashon habri porta di PWFC pa dje forma ei nan tuma asiento i ta pendiente pa disfrutá dje fiesta. Un tremendo fiesta ku un públiko basta grandi ku a pone e organisadónan mester a adaptá e sala di fiesta. Great pa bo mira kon e públiko tabata baila i disfrutá dje boleronan ku a keda presentá. Pabien na Karimbo ku e tremendo idea aki. Fotonan ta papia pa nan mes.