WILLEMSTAD.- Den luna di novèmber i desèmber di aña pasá Kas di Kultura i Zona Kultural a kuminsá ku e proyekto di ‘Happy Hour Kultural’ ku presentashon di gruponan di tambú i Aguinaldo.
Ayera nochi e proyekto a kontinuá ku un tremendo ‘Happy Hour’ kaminda Grupo Rítmiko OriRi a presentá.
Pa e temporada aki Kas di Kultura i Zona Kultural tei duna oportunidat na gruponan rítmiko ku a partisipá den Kantadó Mayó i Marcha di Seú pa nan sigui halsa i duna balor na nos músika kultural Seú den e próksimo lunanan.
E idea ta pa laga nos músika kultural sigui zona i duna e gruponan tambe chèns pa sigui krea komposishonnan regular den ritmo di Seú. Tur siman lo tin un grupo diferente ku lo toka i entretené e públiko presente.
Ayera nochi durante dje evento Kas di Kultura a duna un homenahe na Furgell Wijngaarde, e Kantadó Mayó di 2018.
Riba foto nos por mira momento ku Sra. Francisca di Kas di Kultura ta hasi entrega di un plakat di rekonosementu na Furgell Wijngaarde.