WILLEMSTAD.- Djabièrnè último den sala di PWFC a tuma lugá e tan antisipá konsierto di Ilan Chester. Un sala yen a disfrutá di e konsierto ku a keda presentá kaminda na vários okashon e públiko a kanta sam sam ku Ilan.
PRESHOW
Nos artistanan lokal a sorprendé e públiko ku un tremendo preshow. Un banda bou di direkshon di Angelo ‘Borrel’ Dopwell a kompaña Ebony Albertus, Gigi Clotida, Yentje Silvanie, Dibo Doran, Gilltaly Doran, Url Isenia i Dan Dan de Jongh, Rashid Felida i si mi no a lubidá nòmber a duna un tremendo show kaminda e kantantenan a risibí aplouso di públiko pa ku nan presentashon. Nos artistanan a demostrá ku nan por produsí un preshow na nivel. Pabien!.
ILAN
Ilan Chester a duna un tremendo show. E públiko a skucha e éksitonan ku nan a bin pa skucha i a kanta huntu ku Ilan henter anochi. Ilan huntu ku su banda, manera a spera a ofresé un tremendo show i te hasta un ñapa.
Riba foto nos por apresiá algun momentu durante dje show.