WILLEMSTAD.- Ayera nochi trempan a tuma lugá na Sambil un tremendo konsierto ku a konta ku partisipashon di músikonan lokal i músikonan Venezolano. E músikonan Venezolano tur a forma parti di sekshonnan di brass durante di Festival di Tumba 2023.

No ta promé biaha ku e tipo di konsiertonan aki ta keda organisá, den pasado na dos okashon kaba tabatin e konsiertonan aki i semper AMAK por a konta ku e koperashon di sentro komersial Sambil.

Diferente kantante lokal, Tony Worrel, Reinier Lijfrock i Pipo Villasmil a presentá ku e orkesta. Riba potrètnan nos por apresiá algun momentu durante dje presentashon dje orkesta.