MERKA.- Algun siman despues ku a keda revelá ku Usher lo mester a paga un dama 1.1 mion dòler na 2012, esaki despues ku e dama lo a kuminsá un kaso kontra di Usher debí ku e lo mester a keda kontagiá ku herpes, despues di a tene relashon seksual ku e artista.
Awor ta tres dama ta pendiente pa entamá un kaso kontra dje kantante paso e no a atvertí nan ku e tin e malesa.
Djaluna awor e abogado, Lisa Bloom tin plania pa entamá un kaso na California na nòmber dje víktimanan, asina el a informá via di un komunikado.
Di akuerdo ku dokumentonan di korte ku a keda entrega pa e estilista ku kende Usher, a yega na un akuerdo na 2012, e kantante lo mester a keda diagnostiká ku herpes for di mas o ménos, aña 2009 òf 2010.
E dama ku a entamá e kaso na 2012 a wòrdu di tèst i a keda diagnostiká ku herpes despues di a sufri diferente malesa vaginal, segun dokumentonan di korte.
Lei na California ta indiká ku ta ilegal pa konsientemente transmití un malesa konsiderá STD (Sexual Transmitted Disease). Den dokumentonan di korte a keda konstatá ku Usher lo a paga 2.754.40 dòler na resibunan médiko na 2012. Finalmente el a paga 1.1 mion dòler na e estilista.