WILLEMSTAD.- Den luna di yüli ta plania pa durante tres dia pueblo di Kòrsou disfrutá di tres konsierto grátis riba Plasa Brion. ‘DEN E BEME’ a komprondé ku organisadónan di e evento di ‘Velas Latinoamerica 2018’ ta pendiente pa durante di tres dia laga Kòrsou ta anfitrion dje bishita mas grandi di barkunan di bela. Pa e aktividat aki tin yen di evento plania tantu parti Punda komo Otrobanda i entre nan lo tin vários stage ku animashon musikal. E eventonan musikal prinsipal lo tuma lugá durante di tres anochi kaminda pueblo di Kòrsou i e marineronan di bishita lo tin chèns di disfrutá di tres konsierto grátis. ‘DEN E BEMBE’ a tende mas o ménos kaba ken lo tei komo artista, pero ta pendiente pa un rueda di prensa ku lo tuma lugá den di tres siman dje luna aki kaminda lo duna mas detaye dje evento. Falta 73 dia pa ‘Velas Latinoamerica 2018’!.